तसेच संस्थेत रक्षाबंधनभाऊबीज हे सण साजरे करण्यासाठी इतर संस्थांमधील व्यक्ती येतात व या मुलांसमवेत राख्या बांधून त्यांचे औक्षण करून हे सण साजरे करतात. दिवाळीच्या दिवशी मुलांना तेल,उटणे लावून अघोळ घातली जाते त्यांचे औक्षण केले जाते.नवीन कपडे घालून दिवाळीच्या फराळाचा आस्वाद मुले घेतात.त्यामुळे त्यांना घरची आठवण येत नाही तसेच आवाज विरहीत फटाके फोडण्याचा आनंदही मुले घेतात.

संस्थेला शासकीय अनुदान नाही. दिवसेंदिवस वाढत जाणारी महागाई यामुळे संस्था चालविताना आर्थिक तारांबळ उडते, ही सर्व आर्थिक कोंडी थोड्याफार प्रमाणात सोडविण्यासाठी संस्थेने आ.सा.मि. सा. (आपण सारे मिळून सांभाळू या) ही दत्तक पालक योजना सुरु केली आहे. यात आपण दरमहा रु.१००/- ते रु.३००/- देऊन एका विद्यार्थ्याचा खर्च भागविण्यासाठी हातभार लावू शकता. या योजेनला समाजाचा उत्तम प्रतिसाद मिळत आहे. समाजातील अनेक दानशूर व्यक्ती व संस्था मदतीचा हात पुढे करीत आहेत. बरीचशी मंडळी आपले वाढदिवस संस्थेत येऊन साजरे करतात. दानशूर व्यक्तींच्या दातृत्वामुळेच हि संस्था चालविणे शक्य होत आहे.

मतिमंद मुलांसाठी वसतिगृह हि काळाची गरज आहे. त्या अनुषंगाने संस्थेत प्रवेशासाठी विचारणा होत आहे परंतु संस्थेची इमारत छोटी व जुनी आहे जवळजवळ १५ विद्यार्थी प्रतीक्षा यादी वर आहे. या मुलांना चांगल्या सोयी देता याव्या यासाठी संस्थेची नवी इमारत बांधण्याचे काम सुरु आहे. त्यासाठी संस्थेकडून वेळोवेळी आर्थिक मदतीचे आवाहन केले जात असून संस्थेकडे 80जी व सी एस आर ची मान्यता आहे.

दरमहा संस्थेच्या संचालकांची सभा घेणेत येते व वर्षातून एकदा सर्वसाधारण सभा घेणेत येते. आता असलेल्या कर्मचा-यांमुळे या संस्थेचे काम उत्तम प्रकारे चालू आहे. दिवसेंदिवसमुलांची संख्या वाढत असल्यामुळे, विस्तारित इमारतीचे काम सुरु करणे हे कठीण काम काही पालकांच्या व दानशूर व्यक्तिंच्या सहकार्याने सुरु करण्यात आलेले आहे हे यामागील २५ वर्षाची यशस्वी वाटचाल आहे असे म्हणावे लागेल.