मा. डॉ. बाबासाहेब आंबेडकर समाजभूषण पुरस्कार श्री. दिलीप राजाराम रेडकर यांनी आपल्या प्रयत्नातून कार्यरत असलेल्या आशादीप मतिमंद मुलांच्या संस्थेतून २००० साली सगळ्या पालकांना एकत्र घेऊन “आशादीप” ही संस्था सुरू केली.

आज संस्थेत २५ मुले (मुले/मुली) वास्तव्यास असून त्यांना निवास, भोजन, आरोग्यसेवा आणि कागदी पिशव्या, कागदी फुले, केरसुनी, सणानुसार पणत्या  रंगविणे, राख्या बनविणे इ. प्रकारचे या मुलांना स्वावलंबी बनविण्याचे प्रशिक्षण दिले जाते.

या मुलांच्या हाताला काहीतरी काम मिळावे या उद्देशाने संस्थेने आपले छोटेसे स्वयंरोजगार केंद्र सुरु केले आहे. रत्नागिरीतील जवळजवळ सर्वच मेडिकल स्टोअर्समध्ये आमच्या मुलांनी बनविलेल्या कागदी पिशव्यांचा उपयोग केला जातो व थोड्या अंशी परिसरातील भाजीपाला लागवड (शेवगाच्या शेंगा, केळ  फूल) तसेच फळांचे उत्पादन (आंबा, चिकू, केळी, काजू, पपनस, पेरू, रामफळ, जांभुळ ) इ. गोष्टीचे प्रशिक्षण या मुलांना स्वयंरोजगार केंद्रात दिले जाते.